天然有機嘅護膚品我一向都好鍾意，最近用緊來自意大利有機品牌Argital嘅美白系列，創辨於1979年，由生物學博士Dr. Ferraro創立，而且所有產品不添加人工防腐劑、人工香精、色素、礦物油，拒絕進行動物測試！同已獲德國BDIH，歐盟Demeter，歐洲Bio Organic 有機認證，可以安心使用
不得不提Argital 皇牌有機精油綠泥膏，有250ml大大枝，好抵用！我已經回購左好幾枝，蘊含蜂膠、薰衣草精油、玻璃苣油、問荊草、金盞草、甘油同獨特嘅有機綠泥係採用意大利西西里島南面嘅一片無污染海岸，綠泥已經沉積左1600萬年添！含豐富礦物質同微量元素，可活躍人體每個細胞，真係最天然嘅抗氧化方法，而且仲深層清潔毛孔同美白功效㗎！
敷5-10分鐘就OK喇！
淨白美肌潔面乳，蘊含玫瑰、薰衣草、甘菊、安息香精油同綠泥土等純天然植物嘅配方，吱出黎係綠色，加啲水起泡就可以洗面喇，除咗可以深層清潔污垢仲可以平衡油脂分泌，洗完面好清爽嘅感覺同白淨左㗎
做完咁多清潔，梗係要搽返有機瑩雪精華面霜啦！蘊含玫瑰、蠟菊、金盞花、綠泥膠、馬鞭草、檸檬精油、甜杏仁
油，我就鍾意佢嘅質地唔會好笠，搽上面度好快就吸收曬添！有滋潤保濕同美白功效㗎！
有幾綠泥鼠尾草牙膏，蘊含鼠尾草精油、綠泥膠、甘油、瓷土、海鹽、黃原膠、玫瑰果、安息香脂、黃蓮素、銅複合物等多種草本植物成分嘅配方，而且不含氟化物同起泡劑，真係好健康草本嘅味道好特別，有抗菌同消炎功效，而且有效預防牙周病、牙齦炎、痱滋同牙石㗎！推介！
想了解更多，去Argital官網睇吓啦
沒有留言:
張貼留言