中醫博大精深，除左調理身體外仲可以 以針灸來達到美容效果㗎

平時雖然有做開運動同食得清淡，不過成日捱夜搞到身體都好似好差同埋個樣又面黃黃好攰咁，真係要好好注重一下先得！

中醫博大精深，除左調理身體外仲可以以針灸來達到美容效果㗎，最近去左康和樂中醫身心療會所體驗中醫養生，先由註冊中醫師問診把脈，發覺我成日都覺得攰同暈，仲有月經不調不同問題等，原來係我身體陰虛火旺，要好好做針灸療法再配合中藥調理就會慢慢改善到！跟住再分析我皮膚唔夠緊緻同少少下垂、有黑眼圈問題同有少少大細面，原來都可以通過中醫美容針灸達到改善血液循環、皮膚恢復彈性、輪廓提升、緊緻同改善黑眼圈添㗎！

未做過中醫美容針灸嘅我初初都好緊張，怕會好痛，不過中醫師好專業，加上用嘅針比較幼細，同埋手勢好好，所以針灸嘅時候唔會感到好痛，短短數分鐘中醫師已經幫我全面針對不同問題嘅穴位施好針，針灸大概半小時就完成喇！

做完中醫美容針灸個人即時塊面細左無咁肥，面部輪廓即時提升緊緻又飽滿，瞓醒第二朝皮膚好左好多，而且面色紅潤白淨又有光澤，效果真係好明顯啊！跟住再做埋十四經絡調理，由專業理療師以傳統中式手法好好幫我全身疏通經絡，調和氣血，真係好relax啊！中醫美容針灸嘅效果真係同一般美容院完全唔同，中醫美容針灸係更深層由身體自內到外調，不但治標，還能治本，只有氣血充盈、經絡通暢，身體自然美麗同健康啦，推介！

地址：尖沙咀山林道38號16樓全層

電話：2592 6000

營業時間：星期一至六11am-8pm