尖沙咀亞士厘道味火鍋，高質抵食，必試！

最近去咗尖沙咀亞士厘道新開火鍋店，味火鍋，舖頭樓高兩層，地下喺酒吧，樓上就喺做火鍋，地方寬闊，環境舒適，店舖嘅裝修喺專門請畫家用人手繪畫，真喺栩栩如生！

任食火鍋套餐($268/位)

未嗌嘢食之前已經即刻上小食拼盤，有中華沙律、雲耳、青瓜同炸雞軟骨，全部我都鍾意食！

跟住可以揀雞煲或者每人半隻芝士焗波士頓龍蝦，我梗係喺揀咗龍蝦啦，勁多芝士超多肉，好正啊！

湯底有10種口味可以選擇，除咗醉雞鍋同花膠雞鍋之外，其他口味都可以選擇做鴛鴦鍋，

我揀咗日式豆乳海鮮鍋 同 特濃芫荽皮蛋芫荽鯪魚鍋，湯底味道濃郁，好多配料，最鍾意喺中間有個小鍋喺清水嚟，如果平時怕太濃味或者怕食太辣嘅人士就啱晒啦，可以將啲嘢食再過一過水，咁就淡啲啦，非常貼心！

跟住就會上精選海鮮拼盤，包括有海蝦、鮑魚仔、廣島蠔、日本刀貝、北海道大元貝、日本大崎蟹柳、手打蝦丸同墨魚丸，海鮮好新鮮，鮮甜，而且樣樣都好大件！

美國安格斯牛肉拼盤，包括有牛小排、牛肩胛翼、封門柳同牛板鍵，每一款都肉汁豐富，牛味濃郁！

如果食完唔夠飽仲可以掃QR code自助落單，好方便，嘢食多選擇，上菜速度快！

飲品方面，除咗有汽水、茶類、涼茶之外，仲可以喺樓下酒吧點有酒精或者冇酒精嘅飲品都得㗎，不過就要另外收費喇～啱曬同朋友一路食飯傾偈飲下酒，我飲緊呢杯就喺雜果賓治，好靚又好飲～

另外一杯就喺Grasshopper，酒精濃度低，易入口！

最後食埋個movenpick雪糕，超滿足！

呢度價錢唔貴，高質食材，服務好，絕對抵食！